சமந்தாவை திருமணம் செய்வதை தவிர வேறு வழியில்லை!

சமந்தாவை திருமணம் செய்து கொள்வதை தவிர வேறு வழயில்லை என்று நாக சைதன்யா பேட்டி ஒன்றில் தெரிவித்தது பற்றி தற்போது பேசப்படுகிறது.

சமந்தாவை திருமணம் செய்து கொண்டது பற்றி நாக சைதன்யா மனம் திறந்து பேசினார். அது குறித்து தற்போது சமூக வலைதளவாசிகள் பேசிக் கொண்டிருக்கிறார்கள். சமந்தாவும், நாக சைதன்யாவும் காதலித்து கடந்த 2017ம் ஆண்டு திருமணம் செய்து கொண்டார்கள். நான்காவது திருமண நாளுக்கு ஐந்து நாட்களுக்கு முன்பு தாங்கள் பிரிவதாக சமூக வலைதளங்களில் அறிவிப்பு வெளியிட்டனர். விவாகரத்துக்கு பிறகு அவரவர் வேலையில் பிசியாக இருந்து வருகிறார்கள். இந்நிலையில் சமந்தாவை காதலித்து மணந்தது பற்றி பேட்டி ஒன்றில் நாக சைதன்யா கூறியது பற்றி தற்போது பேசப்படுகிறது

நாக சைதன்யா
பேட்டியில் நாக சைதன்யா கூறியதாவது, சுமார் 10 ஆண்டுகளுக்கு முன்பு ஏ மாய சேசாவே படப்பிடிப்பின்பபோது நானும், சமந்தாவும் சந்தித்தோம். 7 ஆண்டுகளாக சமந்தாவை இம்பிரஸ் செய்ய முயற்சி செய்து கொண்டிருக்கிறேன். அவரை திருமணம் செய்து கொள்வதை தவிர வேறு வழியில்லை என்றார். அதே பேட்டியில் சமந்தா கூறியதாவது, நாக சைதன்யா பல பெண்கள் பின்னால் ஓடிக் கொண்டிருந்தார். 7 ஆண்டுகள் கழித்து தான் என் டோக்கன் எண் வந்தது என்று கிண்டலாக கூறினார்.

வதந்தி வைரல் போட்டோ
காதல் வதந்தி அடங்கிய நிலையில் நாக சைதன்யாவும், சோபிதா துலிபாலாவும் வெளிநாட்டில் ஜோடியாக போஸ் கொடுத்த புகைப்படம் சமூக வலைதளத்தில் வெளியாகி வைரலானது. அதை பார்த்த சமந்தாவின் ரசிகர்கள் கோபப்பட்டு நாக சைதன்யாவை திட்டி வருகிறார்கள். உங்களை கர்மா சும்மா விடாது. உங்களின் ஈகோவால் உங்களின் வாழ்க்கை நாசமாகிறது. சமந்தாவை விட உங்களுக்கு சிறந்த மனைவி அமைய மாட்டார். நாளை சோபிதாவுக்கும் சமந்தாவின் நிலைமை தான் ஏற்படும் என ரசிகர்கள் விளாசியுள்ளனர்.

மயோசிடிஸ்
மயோசிடிஸ் எனும் அரிய வகை நோயால் அவதிப்பட்டு வருகிறார் சமந்தா. அவருக்கு போன் செய்து உடல்நலம் விசாரித்தார் நாக சைதன்யா என தகவல் வெளியானது. இதையடுத்து சமந்தாவும், நாக சைதன்யாவும் மீண்டும் சேர்ந்து வாழ முடிவு செய்திருப்பதாக கூறப்பட்டது. இந்நிலையில் தான் நாக சைதன்யாவும், சோபிதாவும் ஜோடியாக இருக்கும் புகைப்படம் வெளியாகியிருக்கிறது.