‘ரோஹித் மற்றும் டிராவிட்டிற்கு’ அவசர அழைப்பு விடுத்த பிசிசிஐ!

      கடந்த ஆண்டில் நடைபெற்ற டி20 உலகக் கோப்பை 2021               தொடரின்போது விராட் கோலி கேப்டனாக இருந்தார்.

உலகக் கோப்பை தொடரில் இந்திய அணி படுமோசமாக சொதப்பி அரையிறுதிக்கு கூட முன்னேறாமல், லீக் சுற்றுடன் நாடு திரும்பியது. இதனால், விராட் கோலி மீது கடும் விமர்சனங்கள் எழ ஆரம்பித்தது. கோலியை கேப்டன் பதவியிலிருந்து நீக்க வேண்டும் என பலர் கோரிக்கை வைத்துவந்த நிலையில், அவரே கேப்டன் பதவியிலிருந்து விலகினார். இதனையெடுத்து மூன்று விதமான அணிகளின் கேப்டன் பதவியிலிருந்தும் கோலி விலகினார்.

ரோஹித் மீது அதிருப்தி:

இதனைத் தொடர்ந்து ரோஹித் ஷர்மாவுக்கு கேப்டன் பதவி வழங்கப்பட்டது. ஐபிஎலில் மும்பை இந்தியன்ஸ் அணிகளுக்கு கோப்பைகளை பெற்றுக்கொடுத்து அசத்தியதுபோல், இந்திய அணிக்கும் பல கோப்பைகளை பெற்றுக்கொடுப்பார் என எதிர்பார்க்கப்பட்டது. ஆனால், ரோஹித் ஷர்மா கேப்டன் பதவியை ஏற்றப் பிறகு இந்திய அணி ஆசியக் கோப்பை தொடரில் பைனலுக்கு கூட முன்னேறவில்லை. அடுத்து டி20 உலகக் கோப்பை 2022 தொடரில் அரையிறுதியுடன் இந்திய அணி திரும்பியது. இந்த தொடர் தோல்விகள் காரணமாக ரோஹித் மீதும் பிசிசிஐ அதிருப்தியில் இருப்பதாக கூறப்படுகிறது.

புது கேப்டன்:

இதனால் ஒருநாள், டெஸ்ட் அணிகளுக்கு மட்டும் ரோஹித் ஷர்மாவை கேப்டனாக நியமித்துவிட்டு டி20 அணிக்கு புது கேப்டன் நியமிக்கப்பட வாய்ப்பிருப்பதாக கூறப்படுகிறது.

பிசிசிஐ மீட்டிங்:

இதுகுறித்து விவாதிக்க பிசிசிஐ நிர்வாகிகள் இன்று காலை நடைபெற்றது. ரோஹித் ஷர்மா, ராகுல் டிராவிட் இருவரும் இணையம் வழியாக கலந்துகொண்டனர். அப்போது சில முக்கிய முடிவுகள் எடுக்கப்பட்டுள்ளாதக தகவல் வெளியாகியுள்ளது. அதில், 6 முக்கிய முடிவுகள் குறித்த தகவல்கள் வெளியாகியுள்ளன.

1.அடிக்கடி ஓய்வு:

ரோஹித் ஷர்மா கேப்டனாக பொறுப்பேற்றப் பிறகு வீரர்களுக்கு அடிக்கடி ஓய்வு வழங்கப்பட்டு வருகிறது. பணிச்சுமையை குறைக்கும் வகையிலும், அனைத்து வீரர்களுக்கும் சம வாய்ப்பையும் உறுதி செய்ய இந்த திட்டம் உதவுகிறது. இனி வரும் காலங்களிலும் இந்த திட்டத்தை நீட்டிக்க முடிவு செய்யப்பட்டுள்ளது.

2.கேப்டன்ஸி மாற்றம்:

ஒருநாள், டெஸ்ட் அணிகளுக்கு மட்டும் ரோஹித் ஷர்மா கேப்டனாவும், ராகுல் டிராவிட் பயிற்சியாளர்களாக செயல்படுவார்கள், டி20 அணிக்கு புது கேப்டன், புது பயிற்சியாளர் நியமிக்கப்படுவார்கள் என முடிவு செய்யப்பட்டுள்ளது.

3.ஒருநாள் உலகக் கோப்பை:

இந்திய அணி கடந்த சில ஆண்டுகளாக ஒரு உலகக் கோப்பையை கூட வெல்லவில்லை. அடுத்த வருடம் நடைபெறும் ஒருநாள் உலகக் கோப்பை இந்தியாவில் நடைபெறவுள்ளது. இதில், இந்தியா நிச்சயம் கோப்பை வென்றாக வேண்டிய கட்டாயத்தில் இருக்கிறது. இதற்கு என்ன திட்டம் வைத்திருக்கிறீர்கள் என ரோஹித், டிராவிட்டிடன் பிசிசிஐ கேட்டதாக கூறப்படுகிறது. மேலும், பயிற்சியாளர் யூனிட்டில் மாற்றங்கள் கொண்டுவரப்பட வேண்டுமா என்பது குறித்து அறிக்கை தர டிராவிட்டிற்கு உத்தவிடப்பட்டுள்ளது.

4.ஆலோசனை குழு:

இந்திய அணிக்கு ஆலோசனை கூற குழு அமைக்கப்பட உள்ளது. வீரர்களின் செயல்பாடுகளை கவனித்து, அதற்கேற்றாற்போல் ஆலோசனை வழங்க உள்ளனர். இந்த குழுவில் எப்படிப்பட்டவர்களுக்கு வாய்ப்பு வழங்கப்பட வேண்டும் என ரோஹித், டிராவிட்டிடம் பிசிசிஐ ஆலோசனை கேட்டதாக கூறப்படுகிறது.

5.பந்துவீச்சு துறை:

இந்திய அணியின் வேகப்பந்து வீச்சு துறை பலவீனமாக இருக்கிறது. இதனை மேம்படுத்த என்ன வழிகளை கடைபிடிக்கப்பட வேண்டும்? இதற்காக கூடுதல் பயிற்சியாளர்களை நியமிக்கலாமா என்பது குறித்தும் விவாதிக்கப்பட்டிருக்கிறது.

6.தேர்வுக்குழு தேர்வு:

இந்திய அணிக்கு புதிதாக தேர்வுக்குழுயை நியமிக்க பிசிசிஐ முடிவு செய்து, விண்ணப்பங்களை பெற்று வருகிறது. யார் யாரை இந்த தேர்வுக்குழுவில் நியமிக்கலாம் என்பது குறித்தும் விவாதித்திருக்கிறார்கள். இந்த விவாதங்களில் ரோஹித், டிராவிட் ஆகியோல் கலந்துகொள்ளவில்லை என தகவல் வெளியாகியுள்ளது.