ராசிபுரம் அருகே தன்னை கடித்த பாம்புடன் சிகிச்சை பெற வந்த பெண்ணால் பரபரப்பு ஏற்பட்டது. மருத்துவர்கள் எந்த வகை பாம்பு கடித்தது என ரேவதியிடம் கேட்டபோது, டப்பாவில் இருந்த பாம்பை மருத்துவர்களிடம் காண்பித்துள்ளார். ஒரு நொடியில் அதிர்ச்சி அடைந்த மருத்துவர்கள், ரேவதியை கொடிய விஷம் கொண்ட கண்ணாடி விரியன் வகை பாம்பு கடித்துள்ளது என தெரிந்து கொண்டு சிகிச்சை அளித்தனர். இருப்பினும் ரேவதி உடல் நிலை சற்று மோசமானதால், மேல் சிகிச்சைக்காக சேலம் மோகன் குமாரமங்கலம் அரசு மருத்துவக்கல்லூரி மருத்துவமனைக்கு அனுப்பி வைத்தனர்.
நாமக்கல் மாவட்டம், ராசிபுரம் அடுத்த முள்ளுக்குறிச்சி பகுதியைச் சேர்ந்தவர் ரேவதி. இவர் இன்று அப்பகுதியில் உள்ள விவசாய நிலத்தில் கூலி வேலை செய்து வந்தார். அப்போது அவரை கொடிய விஷம் கொண்ட கண்ணாடி விரியன் பாம்பு கடித்துள்ளது. இதனால் ரேவதி கூச்சலிட்டு அக்கம் பக்கத்தினரை உதவிக்கு அழைத்தார்.
பாம்பு கடித்ததை பார்த்த ரேவதி மற்றும் அருகே அவருடன் வேலை செய்து கொண்டிருந்த மற்றவர்கள் அந்த பாம்பை லாவகமாக பிடித்து டப்பாவில் அடைத்து வைத்தனர். பின்னர் சிகிச்சைக்காக ரேவதியை ராசிபுரம் அரசு மருத்துவமனைக்கு கொண்டு சென்றனர்.
அதனையடுத்து மருத்துவர்கள் எந்த வகை பாம்பு கடித்தது என ரேவதியிடம் கேட்டபோது, டப்பாவில் இருந்த பாம்பை மருத்துவர்களிடம் காண்பித்துள்ளார். ஒரு நொடியில் அதிர்ச்சி அடைந்த மருத்துவர்கள், ரேவதியை கொடிய விஷம் கொண்ட கண்ணாடி விரியன் வகை பாம்பு கடித்துள்ளது என தெரிந்து கொண்டு சிகிச்சை அளித்தனர்.
இருப்பினும் ரேவதி உடல் நிலை சற்று மோசமானதால், மேல் சிகிச்சைக்காக சேலம் மோகன் குமாரமங்கலம் அரசு மருத்துவக்கல்லூரி மருத்துவமனைக்கு அனுப்பி வைத்தனர். தன்னை கடித்த பாம்புடன் சிகிச்சை பெற வந்த பெண்ணால் சிறிது நேரம் ராசிபுரம் அரசு மருத்துவமனையில் பரபரப்பு ஏற்பட்டது.
Discussion about this post