லெவன் அணி தயார் :
இந்திய அணியில் அனைத்து பிரச்சினைகளும் முடிவுக்கு வந்துள்ளதாக தகவல் வெளியாகியுள்ளது. 2018ஆம் ஆண்டிற்கு பிறகு ஆசியக் கோப்பை தொடர்,வரும் 27ஆம் தேதி துவங்கி நடைபெறவுள்ளது.
இதற்கான இந்திய அணியில்ரோஹித் ஷர்மா, கே.எல்.ராகுல், விராட் கோலி, சூர்யகுமார் யாதவ், ரிஷப் பந்த், தினேஷ் கார்த்திக், ஹார்திக் பாண்டியா ஆகிய 7 வலுவான பேட்டர்கள் இருக்கிறார்கள்.
தினேஷ் கார்த்திக் நீக்கம் ஏன்?
7பேட்டர்களையும் அணியில் சேர்த்தால், 4 பௌலர்களை மட்டுமே சேர்க்க முடியும். மேலும், ஹார்திக் பாண்டியாவைகட்டாயம் 4 ஓவர்கள் வரை வீச வைக்க வேண்டும். அப்படி செய்தால் அது இந்திய அணிக்குத்தான் ஆபத்து. பெரிய தொடரில் 5 பௌலர்களுடன் மட்டும் களமிறங்குவது பின்னடைவைத்தான் ஏற்படுத்தும். இதனால், ஒரு பேட்டரை நீக்கியே ஆக வேண்டும். தினேஷ் கார்த்திக் நீக்கப்படத்தான் அதிக வாய்ப்புள்ளதாக தகவல் வெளியாகியுள்ளது.
பௌலர்கள் :
பௌலர்களில் புவனேஷ்வர் குமாரை நம்பித்தான் இந்திய அணி களமிறங்க உள்ளது. டெத் ஓவர்களில் மிரட்ட அர்ஷ்தீப் சிங், மிடில் ஓவர்களில் அதிரடி காட்ட சஹல் ஆகியோர் இருக்கிறார்கள்.ஜடேஜாவும்தாக்கத்தை ஏற்படுத்த காத்திருக்கிறார். இருப்பினும், ஆவேஷ் கான்தான் இந்திய அணிக்கு பின்னடைவை ஏற்படுத்துவார் எனக் கணிக்கப்பட்டிருந்தது.
ஆவேஷ் கான் அபாரம் :
இந்நிலையில் நேற்று மாலை 6:30 மணிக்கு துவங்கிய பயிற்சியின்போது ஆவேஷ் கான் மிரட்டலாக பந்து வீசியிருக்கிறார். ரோஹித், ரிஷப் பந்த் போன்றவர்கள் இவரது பந்துகளை எதிர்கொள்ள தடுமாறியிருக்கிறார்கள். ஆவேஷ் கான், அமீரகத்தில் நடைபெற்ற ஐபிஎல் தொடரின்போதுதான் மிரட்டலாக செயல்பட்டார். தற்போது ஆசியக் கோப்பையும் அங்கு நடைபெறவுள்ள நிலையில், ஆவேஷ் கானின் தேர்வு சரிதான் என்பதை நிரூபிக்கும் வகையில் பயிற்சியில் கலக்கியிருக்கிறார்.
இதனால், இந்தியாவின் லெவன் அணி தற்போது முழுமையாக தயார் நிலையில் இருப்பதாக தெரிகிறது.
இந்திய உத்தேச லெவன் அணி:
ரோஹித் ஷர்மா, சூர்யகுமார் யாதவ், விராட் கோலி, ரிஷப் பந்த், கே.எல்.ராகுல் / தினேஷ் கார்த்திக், ஹார்திக் பாண்டியா, ரவீந்திர ஜடேஜா, புவனேஷ்வர் குமார், அர்ஷ்தீப் சிங், யுஜ்வேந்திர சஹல், ஆவேஷ் கான்.
Discussion about this post